Bretxa inguruko urbanizaioaren lanen esleipena, Kontxako baranda, instalazio fotovoltaikoak
Tokiko Gobernu Batzarrak Bretxako eremuaren urbanizazio osagarriaren proiektuko obren esleipena onartu du. Urbycolan enpresa izango da obra egiteaz arduratuko den enpresa. Esleipen prezioa 546.339 eurokoa izan da, eta enpresak 12 astetako epea izango du obrak egiteko.
Obrak egikaritze subsidiarioaren bidez egingo dira, eta Iñigo kalean, Aldamar kalean, San Juan kalean eta Bretxa plazaren inguruan izango dituzte eraginak. Egingo diren lanak segidakoak dira:
- Iñigo kalean, ibilgailuentzat diren zonetan zoladura berritzea da helburua, sestra-kota espaloiaren kotaraino igotzeko, guneari nagusiki oinezkoentzako izaera emateko,
- Aldamar kalean, berriz, berriro urbanizatzea, ibilgailuekiko eta oinezkoekiko baldintzak hobetzeko.
- Bretxako plazako argiteria eta zenbait sareta eta zoladura sartu dira plazaren zati batean; instalazioei dagokienez, hobekuntza batzuk eta Arrandegi eraikineko hartuneak sartu dira.
Kontxako barandako zatiketa
Tokiko Gobernu Batzarrak onartu du, Caldereria Pasajes enpresari esleitzea Kontxako barandako tarteen zatiketa egiteko kontratua. Esleipen prezioa, 52.016 eurokoa izan da, eta enpresak zortzi asteko epea izango du behar diren lanak egiteko.
Instalazio fotovoltaikoak
Tokiko Gobernu Batzarrak hasiera eman dio autokontsumorako hiru eguzki-instalazio fotovoltaoiko kolektibo instalatzeko, legeztatzeko eta martxan jarrtzeko proiektuan aurreikusitako obrak kontratatzeko espedienteari. Proiektuan aurreikusten diren instalazioak Ikasbide ikastetxean, Orixe Zuloagan eta Zurriola Maritimo eraikinetan jarriko dira.
Esleipenaren aurrekontua 139.860 euro dira eta hiru sortatan banatuta dago, eraikin bakoitzarentzat bat. Sorta bakoitzan aurreikusitako lanak egiteko epea 8 hilabetetakoa izango da.
