Nafarroako Gobernuko Osasun Departamentua, Lehen Mailako Arreta indartzeko konpromisoarekin, asistentzia-maila horretan Osasun Komunitarioko Estrategia berri bat garatzeko lanean ari da, pertsonen osasunari dagokionean orientazio komunitarioa sendotze aldera. Proiektua Osasunbidea-Nafarroako Osasun Zerbitzuko (O-NOZ) Lehen Mailako Arretako Gerentziak bultzatu du, Nafarroako Osasun Publikoaren eta Lan Osasunaren Institutuaren (NOPLOI) lankidetzarekin, eta herritarren osasuna sustatu nahi du, osasunaren baldintzatzaile sozialak aintzat hartuz eta horietan eraginez.
