Jokin Aranbarrik zuzenduko du taldea astearte honetan Premier League International Cup txapelketan, bigarren taldeko 14 jokalarirekin eta Basconiako 4rekin
Athletic Clubek 2025. urtea estreinatuko du 21 urtez azpiko Premier League International Cup txapelketan Middlesbroughen aurka. Espedizioa, arratsaldean Ingalaterrako lurretara doana, 18 futbolarik osatzen dute, guztiak bigarren taldearen dinamikan, Gamen, Osipov, Eghosa eta Gift izan ezik. Jokin Aranbarri Bilbao Athleticeko teknikariak zuzenduko ditu 20:00etan (19:00 bertako ordua) Riverside Stadiumean jokatuko den neurketan.
Deialdiko kideak Oier Gastesi, Eric Gamen, Irurita, Osipov, Izagirre, De Luis, Elias, Eghosa, Sola, Lete, Gerenabarrena, Bujan, Adrian Perez, Ibon Sanchez, Azkune, Gift, Ibai Sanz eta Hierro dira.
