- Sukaldaritzaren eta ostalaritzaren sektorean munduko erreferentziazko azoka
- Urtarrilaren 27ra arte, Eusko Jaurlaritzako Elikadura, Landa Garapen, Nekazaritza eta Arrantza Sailaren eta HAZI erakundearen laguntzarekin.
- Euskadi Basque Country standean kokatutako ostalaritzako eta elikadurako bederatzi enpresa
Eusko Jaurlaritza/Euskadi Basque Country standean Lyon´go SIRHA 2025 azokan, Frantziako Alpes-Rhône eskualdean, kokatutako bederatzi ostalaritza- eta elikadura-enpresen eskaintzak urtarrilaren 27ra arte erakartzen ditu bertan ikusgai dauden produktuengatik interesa duten sukaldaritza-sektoreko publiko profesional ugari.
Sirha Lyon munduko erreferentziazko azoka da jatetxeen eta ostalaritzaren sektorean. Sektore honetako eragile guztiak biltzen ditu. Bisitariek nobedadeen eta aukeren berri izaten dute. Pabiloiek, espazio fisiko bakar batean, berrikuntzak, ezagutza-trukeak eta lehiaketa handiak biltzen dituzte, erakusketari eta bisitariei etengabe eboluzionatzen ari den ekosistema baten konfigurazio berrian integratzeko aukera ematen dietenak.
Hauek dira Eusko Jaurlaritzako Elikadura, Landa Garapen, Nekazaritza eta Arrantza Sailaren eta HAZIren standean bildutako enpresak: SALANORT SEAFOOD, Ion Uranga, artisau-arrain-kontserbak egiten dituena; BACALAOS EDERPESCA, Edorta Aizkorretarekin eta bere bakailao tradizional gatzgabearekin; CONSERVAS ORTIZ, Guillermo Murguia eta bere arrain-kontserba eta erdikontserbak, Ortiz markakoak; CORPACHEF, Gonzalo Sánchez eta bere Corpachef eta Kontxako Badia produktuekin, antxoak, boqueroiak, gildak, pulpo egosia zukuan eta kroketetan; GORENA, Maddi Irazustak ordezkatua, Lyonen bere produktu izoztuak eta sektorerako aurrez prestatutako produktuak GELATI!!, Beatriz Lópezek ordezkatua eta kalitate handiko artisau-izozkiak ekoizten dituena; KOSTA AROA, Jaime Burgañarekin eta kostaldeko lakrima ilarrekin; eta AMEZTOI CROQUETTES,Igor Ameztoikin, baserriko esnearekin egindako kroketak azokan eskaintzen dituena.
Azokan parte hartzen duten beste euskal enpresa batzuk INDUSTRIAS BETIK SA: SALVA INDUSTRIAL S.L.U.: FAGOR PROFESSIONAL: KIDE S. COOP: SAMMIC SL: COOKPLAY: LACOR: VICRILA: DON GASTRONOM eta TXOGITXU dira.
Inaugurazio-ekitaldia atzo, osteguna, egin zen, hainbat pertsona ospetsurekin, azokaren irekiera ofiziala egiteko. Era berean, hainbat jarduera paralelo antolatzen dira azokan zehar. Informazio gehiago: https://www.sirha-lyon.com/fr/programme
