Iparraldeko B Komunitatea – ‘Comunidad B Norte’ eta ‘BBK Kunak’ prestakuntza aukera paregabea eskaintzen dute aurten ETEen eta enpresa proiektuen estrategia jasangarritasuna txertatu ahal izateko, epe luzera duten posizio lehiakorra indartzen laguntzeko.
Industria eta zerbitzu-enpresek ingurunean inbertitu ahal eta behar dute, tokiko garapen ekonomikoari eta gizarte-sarea indartzeari lagunduz, fokua beren enpresa eta ekintzaile-hazkundean galdu gabe.
Prestakuntza iraunkortasun korporatiboaren bidez balioa sortzean oinarritzen da, Bilboko Udalaren eraldaketa prozesuekin bat etorriz, ‘Bilbo Jasangarria: 2030 Agenda eta GJHak’ ekintza planaren bidez, eta Eusko Jaurlaritzarekin, ‘Euskadi Basque Country 2030 Agenda-‘ren bidez.
17 saioren bidez, parte-hartzaile bakoitzak zuzenean ezagutu ahal izango ditu urte honetatik aurrera indarrean sartuko diren Europako Zuzentarauak eta Araudiak, eta hauek nola, modu erabakigarrian eragingo duten negozio modu bakoitzean . Hori guztia 5 modulutan lantzen da:
- Jasangarritasunaren bidez enpresa-balioa sortzeko paradigma berria.
- Garapen Iraunkorrari buruzko Europako, Estatuko eta Tokiko Esparru Arautzailea.
- Enpresaren eremuen barruan eraldaketa: gestioaren eta kulturaren alderdiak.
- Jasangarritasuna negozio-ereduan integratzeko planak.
- Aliantzak lurraldeko beste eragilerekin.
Irakasle taldea eskarmentu handiko profesionalek osatzen dute: Javier Cortés, Mikel Berraondo, Jon Kepa Izagirre, Alicia Ledo, Fernando Varela, Fernando Sierra eta Iosu Martinez, besteak beste.
Iparraldeko B Komunitatea eta BBK Kuna ekimenek SPRI Taldearen eta Euskaliten laguntza dute, baita AB Laborategiak, LEAD Jasangarritasuna, Sumendi Miragarria, Laukariz Ekosistema, Negobide Cículo Empresarial, Negocio y Valores enpresa eta erakundeenak ere.
Azken plazak:
Izen-emateak HEMEN
Deskargatu programa osoa
Iparraldeko B Komunitatea eta B mugimenduari buruz
Iparraldeko B Komunitatea, bertatik, enpresen eraldaketa bultzatzen du, ekonomia, gizarte eta ingurumen mailan eragin positiboa sor dezaten; ekimen horretan aktiboki parte hartzen dute Euskadiko, Nafarroako, Burgosko, Kantabriako eta Errioxako profesionalek, enpresek eta erakundeek.
Elkarrekin, eragin-ekonomien zabalkundean eta sentsibilizazioan lan egiten dute. Inpaktu-positiboa sortzeko bere tresna nagusia enpresen indarra eta interkolaborazioa erabiltzea da.
B mugimenduak ekonomia justuagoa, inklusiboagoa eta maila globalean birsortzaileagoa sortzea du helburu; mundua aldatzen laguntzen ari diren enpresei lan egiten, erosten, inbertitzen, ikasten, irakasten eta laguntzen dieten pertsona guztiek osatzen dute, halaber B-Corp enpresak.
BBK Kunari buruz
BBK Kuna, gizarte berrikuntzako laborategia, non hainbat eragilek parte hartzen duten, Bizkaiko gizarteari etorkizuneko erronkei erantzungo dieten irtenbide ugari eskaintzeko. BBK beti egon da Bizkaiko errealitateari lotuta, eta bere erronkak konpontzen jardun du. 100 urte baino gehiagoz Bilbok eta Bizkaiak une bakoitzean dituzten beharrei erantzuteko proiektuak gidatu ditu. Gizartea gero eta konplexuagoa da, eta erronkak ere bai.
BBK Kunak proiektu berritzaileak sustatzen ditu, ‘Bilbo Zaharra’-ren bihotzetik, hainbat erronkari irtenbideak emateko, hala nola biztanleriaren zahartzea eta adinekoen bakardadea; klima aldaketa, iraultza teknologikoa, hirien eraldaketa edo migrazioa. 2030 Agendari lotutako erronkak, gizarte gisa hazten jarraitu ahal izateko, inor atzean utzi gabe.
