Nafarroako Gobernuak eta Espainiako Gobernuak datozen urteetarako transferentzien ibilbide-orria ezarri dute. Felix Taberna lehen lehendakariorde eta Lehendakaritzako eta Berdintasuneko kontseilariak gaur Parlamentuan azpimarratu duenez, «egiteke dauden transferentzietan aurrera egitea garrantzi handiko gaia da Nafarroarentzat, gure akordio programatikoan jasota dagoena». Halaber, eskerrak eman dizkio Gobernu zentralari Nafarroak Foru Komunitatearen eskumen historikoetan funtzioak eta zerbitzuak berreskura ditzan erakutsi duen prestasunagatik eta sintoniagatik.
