Kontseiluaren helburua kaiaren kudeaketa hobetzea da
Elikadura, Landa Garpena, Nekazaritza eta Arrantza sailburu Amaia Barredok eta Donostiako alkate Eneko Goiak Donostiako Portuko Kontseiluaren eraketan parte hartu dute. Honako erakunde eta elkarteek osatzen dute kontseilua: Eusko Jaurlaritza, Donostiako Udala, Donostiako Kofradia, Gipuzkoako Kofradien Federazioa, Donostiako Klub Nautikoa, Kaiaberri Amarratzaileen Elkartea eta Donostiako Kaiako Bizilagunen Elkartea
Portuko Udal Kontseiluen eginkizunen artean daude portu-eremu bakoitzean dauden beharrak aztertzea eta bertako instalazioen eta azaleren erabilerak hobeto kudeatzea ekarriko duten jarduketak proposatzea; portuetan eta itsas gaietan eskumena duen Sailak idazten dituen gidalerro eta planei buruz aholku ematea; eta Autonomia Erkidegoko Administrazioak portuen arloan egiten dituen erregelamenduzko xedapenen proiektuei buruzko txostena egitea.
Era berean, kontseiluek neurri egokiak ere proposatzen dituzte portuen ustiapenaren arrazionalizazio eta optimizazio handiagoa lortzeko; administrazio autonomikoaren eta portuko lurraldearen gainean erantzukizuna duen toki-administrazioaren arteko koordinazioa sustatu eta babesten dute; eta portuko jabari publikoaren ezagutza, kontserbazioa eta babesa bultzatzen dituzte.
