Omendutako pertsonek diploma bat jaso dute Lehendakariaren eta Funtzio Publikoko Rashid Mohamed Vázquez zuzendari nagusiaren eskutik zeinek Foru Administrazioaren hala nola herritar guztien esker ona adierazi dieten, osasuna, hezkuntza, segurtasuna, justizia, larrialdietako asistentzia edota kudeaketa bezalako arloetan egindako “ezinbesteko” lanagatik. «Oso paper garrantzia duzue, bereziki arlo publikoaren, haren beharraren, eginkizun estrategikoaren, palanka eraldatzailearen eta funtsezko zerbitzuaren defendatzaile sutsuak garenontzat”, esan du Chivitek.
Baluarten ospatu den ekitaldian 450 pertsona inguruk parte hartu dute, erretiratuen, senideen zein gertukoen artean. Omendu dituzten 626 pertsonetatik (409 emakume eta 217 gizon), 20 iaz hildako enplegatuak dira, eta haien senide eta hurbilekoei esker oneko mezu hunkigarri bat helarazi zaie.
Sektoreka, 257 pertsonek Hezkuntzan ematen zuten zerbitzua, 178k Osasunean, 171k Administrazio Nukleoan eta 20k berriz Justizian.
Chivite Lehendakariak omendutako langileen “konpromisoa eta profesionaltasuna” azpimarratu ditu, kalitatezko zerbitzu publikoei eusteko funtsezko zutabe gisa deskribatu dituenez. “Zuen jarduera administrazio publikoa den makineria handi eta konplexu honen zati bat da eta beharrezkoa bezain konplexua da gizartearen zerbitzura bere funtzioa betetzerakoan eraginkorra izan dadin”, nabarmendu du Lehendakariak, eta langile publiko erretiratuei opa die etapa berriari “etekinik handiena atera diezaiotela” eta “era aktiboan, osasun fisiko baina halaber mental hobearekin goza dezatela, autonomia eta bizi-kalitatea babesteko”.
