Amaia del Campo Barakaldoko alkateak Transfiere, 13. European Meeting on Science, Technology and Innovation topaketan parte hartu du gaur goizean. Foro horretan, berrikuntza bultzatzeko proiektuak balioetsi dira, eta, Barakaldon, Barakaldo Hiria Laborategia proiektua nabarmendu da, hiria berrikuntzaren zerbitzura jartzea helburu duena, esperimentaziorako intonu gisa. Hala adierazi du Del Campok Hiria esperimentazio gune gisa izeneko mahaian. Bertan, Zientzia, Berrikuntza eta Unibertsitate Ministerioko Plangintza, Koordinazio eta Ezagutzaren Transferentziako zuzendari nagusi Elisa Riverarekin eta Gasteizko Mobility Lab-eko zuzendari Iñigo Bilbaorekin hitz egin du.
Barakaldo dagoeneko hasi da hainbat tresna lantzen hiria berrikuntzaren eta esperimentazioaren zerbitzura jartzeko. Horrela, alkateak hirian Innpulso Sarearen barruan egiten ari den lankidetza azpimarratu du, sareko bertako Hiri Laborategien Lantaldearekin, adibidez. Gainera, Barakaldoko Hiri Laborategia (LUB) definitzeko martxan jarritako talde eragilearen sorrera azpimarratu du. Talde horrekin espazio berritzaile horretan nola lan egin definitu da, eta dagoeneko bere lehen benetako proiektua izan du: igelaren joko tradizionala berreskuratzea, 3D inprimaketako teknologiarekin, eta izaera sozial handia, La Cuadri del Hospi enpresarentzat dirua bilduz.
Hiri Laborategi berria Pormetxeta plazako lokaletan kokatuko da. Proiektu horrekin hiriko espazio hori berreskuratu nahi da, enpresa berritzaileentzako topagune bat sortuz. Lokal horiek egokitzeko lanak, Bilbao Ría 2000 kudeatzen ari direnak, datozen hilabeteetan hasiko dira.
BARAKALDO HIRIA LABORATEGIA
Azkenik, alkateak berrikuntza sozial eta teknologikoaren inguruan egindako lana nabarmendu du, Deustuko Unibertsitatearekin batera sortutako Berrikuntza Irekiko Erronken Lehiaketaren bidez. Lehiaketa horrek 9 proiektu irabazle izan zituen, besteak beste, nahi gabeko bakardadea, osasuna, hezkuntza…
Del Campok, gainera, Barakaldo Hiria Laborategia proiektua defendatu du, Inguralde tokiko garapenerako agentziaren eskutik. Proiektu horretan Hiri Agenda lantzen ari da. «Argi daukagu Barakaldok hiri industriala izaten jarraitu behar duela, XXI. mendeko industriarekin. Hiria berrikuntzaren esku jarri nahi dugu, eta, horretarako, Sandbox bat sortzeko lanean ari gara, irtenbide teknologiko berriak aztertzeko. Gainera, enpresa berritzaileentzako topagune bat izango dugu hirian, Pormetxetako Hiri Laborategiari esker, zalantzarik gabe industria berritzailean aurrera egiteko aukerak sortuko baititu «, zehaztu du.
