Lanbide-Euskal Enplegu Zerbitzuak osorik onartu du Barakaldoko Udalaren proposamena, 2024-2025 Enplegu Plan bat garatzeko. Plan horretan 63 pertsona zuzenean kontratatzea aurreikusten da, onura publikoko 30 proiekturen bidez, bai eta beste 31 pertsonari mesede egingo dieten enpresak kontratatzeko laguntzak ematea ere. Guztira, Lanbidek 1.028.000 euroko dirulaguntza emango du ekintza horietarako.
«Oso pozik gaude Barakaldoko enplegu-planek gero eta irismen handiagoa izatea lortu dugulako, eta haien eragina langabeengan bakarrik ez geratzea, hirian isla izatea baizik», adierazi du David Solla Inguraldeko presidenteak. Enplegu planei lotutako onura publikoko eta interes sozialeko jarduerak egiteak garapen sozialarekin konprometitutako hirien abangoardian jartzen gaitu», ziurtatu du Sollak.
Barakaldoko Enplegu Planaren deialdi honetan jasotako eskaintzak hilabete honen erdialdean abiaraziko ditu Lanbidek, Inguralderen kanal digitaletatik etengabe eta eguneratuta islatuko den prozesu batean. Alde horretatik, Garapen Agentziak dei egiten die interesa izan dezaketen pertsona guztiei Lanbideren datu-basean profilak eguneratuta izan ditzaten, eskaintzak informazio horretan oinarrituta egingo baitira.
Erabilera publikoko proiektuei lotutako kontratazioei dagokienez, ekimenak 63 pertsona zuzenean kontratatzea aurreikusten du, gehienez ere 6 hilabetez, 30 proiektu garatzeko. Eskaintzen diren profilen artean dokumentalista, aplikazio informatikoetako teknikaria, administraria, peoia, gidaria, lorezain dinamizatzaile digitala edo aisialdiko monitorea daude, besteak beste.
Era berean, partida bat bideratuko da Barakaldoko langabeen kontratazio mugagaberako enpresei laguntzak emateko, eta, horri esker, 31 pertsona inguru kontratatu ahal izango dira. Kasu horretan, kontratuetako 23 lanaldiaren % 100erako izango dira, eta 8 lanaldi partzialerako.
Tokiko Enplegu Plana langabezian dauden, udalerrian erroldatuta dauden eta Lanbiden enplegu-eskatzaile gisa izena emanda eta alta emanda dauden pertsonei zuzenduta dago. Deialdi honen oinarri diren erabilera publikoko proiektuak detektatu dira, eta udal arlo edo sailekin koordinatuta garatuko dira: Hezkuntza, Gazteria, Kultura, Euskara, Ingurumena, Udal Zerbitzuak, Gizarte Ekintza, Herritarren Segurtasuna, Haur Eskolak, Teknologia Sistemak edo Prebentzioa eta Lan Osasuna.
Ekintza horiei buruzko informazio gehiago nahi izanez gero, jo Inguraldek Innobak Beurko eraikinean dituen instalazioetara (Dolores Ibarruri pasealekua, 82- Beurko Zaharra) edo deitu 944 189 044 telefonora.
