Urtarrilaren 18an egingo dira ekitaldiak Clara Campoamor eta Gurutzetako zentro zibikoetan. Sarrerak 3,20 euro balio du helduentzat eta 2,10 euro haurrentzat. Lehenengo saiorako txartelak astelehenean, hilak 13, jarriko dira salgai https://barakaldokultura.vivetix.com webgunean.
Barakaldok familia osoarentzako kultur ikuskizun berriak eskaintzen hasiko du urtea. Familientzako Arte Eszenikoen programak zazpi antzerki eta txotxongilo ikuskizun berri aurkeztuko ditu Clara Campoamor eta Gurutzetako zentro zibikoetan, urtarrilaren 18tik martxoaren 8ra bitartean. Kalitatezko familia-kultura proposatzen duen ekimen honek esperientzia bat eskaintzen du haurrak Arte Eszenikoen mundu liluragarrian has daitezen, antzerkiarekin bere formatu anitzetan ikusi, sentitu eta hunkitzen ikasiz. Aldi berean, ohitura kulturalak sortzen laguntzen die, kontsumoarekin lotura handiagoa duen aisialdiaren osagarri, eta euskara aisialdiaren esparruan bizitzeko beste aukera bat da.
Denboraldi berriak hainbat diziplinatako ikuskizunak eskainiko ditu: aktoreen antzerkia, txotxongiloak eta objektuak eta multimedia antzerkia. 2025eko urtarrila-martxoa hiruhilekoan, Barakaldon izango dira tokiko zein Estatuko antzerki-konpainia ospetsuen obrak, beren proposamen eszenikoen kalitateagatik nabarmentzen direnak. Horietako sei 4 eta 11 urte bitarteko neska-mutil barakaldarrei eta haien familiei zuzenduta daude, eta 3 urtetik gorako adingabeentzako proposamen bat dago.
Programazioa bi larunbatetan egiten da, Clara Campoamorreko zentro zibikoaren eta Gurutzetako zentroaren artean. Obra guztietarako sarrerak, 3,20 eurotan helduentzat eta 2,10 eurotan haurrentzat, online jarriko dira salgai urtarrilaren 13tik aurrera, 09:00etan, https://barakaldokultura.vivetix.com webgunean.
Otsailaren 15eko ikuskizuna, Emakumearen eta Neskatoaren Eguna Zientzian jardunaldien barruan, doakoa izango da. Gonbidapenak online plataforman bertan eskuratu ahal izango dira, emanaldiaren aurreko astelehenetik aurrera (otsailaren 10a).
PROGRAMA
- Urtarrilak 18. Klik, Klik, Mú. TITIRIGUIRI
- Diziplina anitzeko antzerkia
- Gurutzetako zentro zibikoan 18:00etan
- 45 min. Gaztelania. + 4 urte
- Urtarrilak 25. Izan dortoka. XAP XIP
- Txotxongiloak eta aktoreak
- Clara Campoamor zentro zibikoan 18:00etan
- 50 min. Gaztelania. + 5 urte
- Otsailaren 1a. Baboa. ANTZERKIAREN PERIFERIA
- Txotxongiloak eta aktoreak
- Gurutzetako zentro zibikoan 18:00etan
- 50 min. Gaztelania. + 4 urte
- Otsailaren 8a. Jon Beldurgabea. TXALO
- Antzezleen antzerkia
- Clara Campoamor zentro zibikoan 18:00etan
- 60 min. Euskara. + 5 urte
- Otsailaren 15a. Ilargira. VOILÀ! EKOIZPENAK
- Antzerkia eta animazio-zinema
- Clara Campoamor centro zibikoan 18:00etan
- 55 min. Gaztelania. + 5 urte
- otsailaren 22a. Ezer ez. BEHIBI ‘S
- Txotxongiloak eta aktorea
- Gurutzetako centro zibikoan 18:00etan
- 50 min. Euskara. + 3 urte
- Martxoaren 8a. Marmelada. Erretaula
- Aktoreak, txotxongiloak eta objektuak
- Clara Campoamor zentro zibikoan 18:00etan
- 45 min. Gaztelania. + 4 urte
